Shqipëri: Kaosi në parlament, PS kërkon përjashtimin e 7 deputetëve të opozitës
Partia Socialiste ka kërkuar përjashtimin e 7 deputetëve të opozitës në lidhje me kaosin e shkaktuar në parlament gjatë seancës të së enjtes.
Gazetarja e Klan News, Klesiana Omeri raporton se mazhoranca ka kërkuar përjashtimin e Ervin Salianjit, Bledion Nallbatit, Lefter Gështenjës, Asllan Dogjanit, Isuf Çelajt, Luan Maçit dhe Xhelal Mziut.
Në lidhje me shqyrtimin e kërkesës, do të zhvillohet mbledhja e Sekretariatit në orën 16:00 gjatë ditës së sotme.
Me votimin në seancën plenare të së enjtes, nëse deri më tani një deputet mund të përjashtohej nga seanca plenare për 10 ditë maksimumi, tashmë limiti do jetë deri në 60 ditë./tvklan.al
