Shpërthimi me 4 të plagosur në Velipojë, policia jep detaje nga ngjarja

Policia e Shkodrës ka dhënë informacionin zyrtar mbi ngjarja e rëndë që ka ndodhur mëngjesin e sotëm në një hotel, ku u plagosën katër anëtarët e një familjeje, pronar të këtij biznesi.

Policia në njoftim sqaron se kanë mbetur të plagosur nëna 40-vjeçe e identifikuar si A. Gjoka dhe tre fëmijët e saj, dy vajzat D. Gj. 19 vjeçe, K. Gj. 15 vjeçe, dhe djali i mitur, E. Gj. 12 vjeç.

Ndërkohë që të lëndarit janë nisur për në Tiranë për të marrë ndihmë mjekësore më të specializuar, grupi hetimor është duke kryer veprimet e duahura për zbardhjen e plotë të ngjarjes,

Njoftim:

Më datë 04.07.2021, rreth orës 06:45, në fshatin Pulaj-Plazhë, rruga Nr.5, Velipojë, Shkodër, në një hotel tre katësh ka shpërthyer një bombul gazi, ku si pasojë janë dëmtuar shtetasit A. Gj. 40 vjeçe, D. Gj. 19 vjeçe, K. Gj. 15 vjeçe, dhe E. Gj. 12 vjeç, të cilët u dërguan për ndihmë mjeksore më të specializuar në Spitalin e Traumës Tiranë

Grupi hetimor nën drejtimin e Prokurorisë po vijon punën për sqarimin e plotë të rrethanave të ngjarje.