Shesheli kërcënon: E thyejmë ROSU për 15 ose 20 minuta

Krimineli i dënuar i luftës Vojislav Sheshel tha se një helikopter serb kishte fuqi të tillë zjarri saqë do të thyente të gjitha automjetet e ROSU në vetëm 15 ose 20 minuta.

Presidenti i Partisë Radikale Serbe tha, si i ftuar në Happy TV, se “shqiptarët po përgatitnin një stuhi të re në Kosovë”.

Megjithatë, ai shton se ata tani po hezitojnë “sepse janë të vetëdijshëm se Serbia do të përdorë fuqinë e saj të plotë ushtarake për të parandaluar një eksod të ri të serbëve”.

“Ata tani do të donin që situata të qetësohej, ndaj po ia kalojnë fajin si palës serbe ashtu edhe asaj shqiptare, të cilën ne nuk duhet ta lejojmë,” tha Sheshel.

Krimineli i luftës deklaroi se një helikopter serb “ka një fuqi të tillë zjarri që do të thyente të gjitha automjetet ROSU në 15-20 minuta”, transmeton portali novosti.rs.

Sheshel thotë se e vetmja rrugëdalje nga situata aktuale e krizës në Jarinje është që shqiptarët të kthehen në pozicionet e tyre fillestare.