Salihu i dërgon kërkesë qeverisë Kurti për 40 specializantë nga Lugina, me vetë financim

Kryetari i Kuvendit të Komunës së Preshevës z.Sami Salihu dërgon kërkesë në Qeverinë Kurti për 40 specializantë nga Lugina, me vetë financim

Duke qenë faleminderues dhe i vetëdijshëm për kontributin e dhënë nga Qeveria Kurti 1, sot edhe zyrtarisht kam dërguar kërkesë Ministrit të Shëndetësisë të Republikës së Kosovës z. Arben Vitia, pjese të Qeverisë së Albin Kuritit, me kërkesë që 40 kandidatët specializant të Luginës së Preshevës me vetfinancim të perfshihen në listen e 1500 specializantëve të tjerë të cilët Ministria përkatëse i financon.
Duke mos dashur që të paragjykoj situatën politike e ekonomike të qeverisë së kaluar e duke mos e harruar edhe kontributin dhe përkushtimin personal të ish Ministrit të Shëndetësise Armend Zemaj, e gjithashtu duke qenë koshient për perkrahjen shembullore që Qeveria e Albin Kurtit e ka bërë dhe e ka dhënë ndaj shqiptarëve të Luginës së Preshevës, mbes me besimin që kjo kërkesë e jona do të jetë një nga lajmet e mira e konkrete që Qeverisja e re në Preshevë do të bëjë për specializantët por edhe për studentët tanë.