Rekord i rasteve të reja me koronavirus në Maqedoni të Veriut – 1085

Maqedonia e Veriut ka regjistruar shifër rekorde të rasteve të reja me koronavirus. Në 24 orët e fundit janë regjistruar 1085 raste të reja nga 3294 mostra të testuara, shkruan “Alsat-M”.

Më së tepërmi raste janë regjistruar në Shkup, 447.

Po ashtu në 24 orët e fundit janë regjistruar 12 viktima si pasojë e COVID-19.

Numri total i të infektuarve që nga fillimi i pandemisë ka arritur në 31.527, janë shëruar 20.731 persona, ndërsa kanë vdekur 994. Janë 9847 raste aktive.