Ragmi Destani jep dorëheqje nga kreu i KBI-së në Bujanoc

Kryetari i Këshillit të Bashkësisë Islame në Bujanoc, Ragmi Destani, ka dhënë dorëheqje nga kjo pozitë.

Me këtë rast, arsyet e dorëheqjes i ka sqaruar edhe përmes një postimi në Facebook.

Postimi i Destanit

NJOFTIM PËR DORËHEQJE

Më 4 dhjetor 2025, në mbledhjen e rregullt të Këshillit të Bashkësisë Islame në Bujanoc, kam dhënë dorëheqje nga detyra si Kryeimam i këtij këshilli.

Në këtë detyrë jam qysh nga viti 1997 (28 vjet).

I pakënaqur me gjendjen në Këshill dhe gjëra të tjera të cilat në mënyrë të zgjëruar ia kam dorëzuar kryetarit të këtij këshilli.

E lus Zotin që gjithë atë që ma ka mundësuar me e bërë, të ma ketë pranuar në llogarinë e veprave të mira.
Kurse i kërkoj falje Zotit për gjithë atë që nuk kam mundur ta e bëjë, ose kam gabuar gjatë kësaj periudhe.

Ju përshëndes të gjithëve me selam.

Ragmi Destani