Qeveria e Maqedonisë së Veriut vendos masa të reja kundër COVID-19
Propozimeve të Komisionit për Sëmundje Infektive, Qeveria e Maqedonisë së Veriut u ka dhënë dritë jeshile.
Organi ekzekutiv urdhëron kufizimin e kapaciteteve në transportin publik dhe atë në 50 për qind dhe kufizimin e punës së operatorëve ekonomikë apo gastronomisë deri në orën 23:00.
Masë rekomanduese ka adresuar për administratën shtetërore, komunat dhe organet gjyqësore që ta rregullojnë orarin e punës me turne dhe nga distanca.
Masat e fundit nuk do të jenë pjesë e dispozitave plotësuese në propozim-Ligjin për mbrojtjen e popullsisë nga sëmundjet ngjitëse. Çdo masë tani e tutje do të hyjë në fuqi me vendim të Qeverisë, duke u bazuar në dispozitën e përgjithshme të paparë në propozimin, i cili duhet të futet në procedurë parlamentare.
Dispozita e përgjithshme:
“Të gjitha vendimet e ardhshme të Qeverisë, përfshirë dhe masat e tjera, rregullohen me këtë ligj”.
Edhe masat e lartpërmendura hyjnë në fuqi pas shpalljes së tyre në Gazetën Zyrtare.
Në rast se masat e propozuara nuk kanë efekt në uljen e bilancit me persona të infektuar me koronavirus, ministri i Shëndetësisë, Venko Filipçe, paralajmëroi se hapi i ardhshëm do të jetë kufizimi i plotë i lëvizjes, përkatësisht ora policore.
