Projekti i shtëpive për familjet në nevojë në Mitrovicë drejt përfundimit

February 22, 2021 admin

Në Frashër të Mitrovicës po ndërtohen 91 shtëpi për familjet në nevojë sociale, ku do të zgjidhet çështja e vendbanimit për 91 familje mitrovicase që nuk kanë strehim dhe jetojnë në kushte jo të mira.

Ndërtimi i këtyre shtëpive është rezultat i dy marrëveshjeve me bashkëfinancim mes Komunës së Mitrovicës, Shoqatës Bamirëse “Jetimat e Ballkanit” dhe “djemtë e Mitrovicës” për ndërtimin e 51 shtëpive, si dhe marrëveshjes tjetër me Organizatën “Qatar Charity” për 40 shtëpi, një shkollë, një ambulancë, katër lokale afariste, një xhami, si dhe një objekt për nevojat e investitorit “Qatar Charity”.

Për realizimin e këtyre projekteve madhore, Komuna e Mitrovicës ka dhënë në shfrytëzim pronën e paluajtshme për ndërtimin e të gjitha shtëpive për familjet në nevojë, ka marrë përsipër rregullimin e tërë infrastrukturës përcjellëse të kësaj lagjeje, si dhe ka shpallur konkurset publike ku janë përzgjedhur familjet përfituese në bazë të kritereve të përcaktuara me ligj.

Qyteti i Mitrovicës

You May Also Like