Përkujtohet vepra dhe jeta e Agron Boriçit në dhjetë vjetroin e vdekjes së tij

Në ambientet e Shtëpisë së Kulturës “Abdulla Krashnica” në Preshevë, është mbajtur manifestimi përkujtues për verpën dhe jetën e regjisorit të Teatrit Amator të Qytetit, Agron Boriçi.

Në praninë e anëtarëve të familjes Boriçi në Preshevë. shumë ish aktorëve të Teatrit Amator të Qytetit, kolegëve, dashamirëve të artit dhe shumë pjesëmarrësve, nën organizimin e Shtëpisë së Kulturës “Abdulla Krashnica” dhe Teatrit të Qytetit të Preshevës, mbrëmë është mbajtur manifestimi përkujtues për dhjetë vjetroin e ndarjes nga jeta të Agron Boriçit.

Të pranishmit përveç fjalimeve të shkurtra ceremoniale të organizatorëve dhe familjarëve, patën mundësi të shohin ekspozitën me fotografi nga shfaqet e punuara nga Agron Boriçi gjatë karierës së tij, si dhe monodramën “Aktori në Tavan” nën autorsinë dhe regjinë nga  Agron Gerguri, interpretuar nga Ismet Azemi./preshevapress