Përfundon pa fitues ndeshja Man.United-Chelsea
Derbi mes Manchester Unitedit dhe Chelseas ka përfunduar pa fitues dhe pa gola.
Ndeshja u zhvillua në Old Trafford pa prezencë të shikuesve për shkak të pandemisë, ndërsa të dyja skuadrat patën rastet e tyre për shënim.
Sipas statistikave, vendasit patën më shumë posedim të topit dhe goditje drejt portës.
Me përfundimin e ndeshjes 0-0, Manchester United mbetet në pozitën e 15-të me shtatë pikë ndërsa Chelsea është në vendin e gjashtë në tabelë, me nëntë pikë. Manchester United ka një ndeshje më pak të zhvilluar.
Edinson Cavani sot pati debutimin e tij me fanellën e Manchester Unitedit. Ai zëvendësoi Daniel Jamesin në minutën e 56-të.
