Ndërron jetë Aneta, nëna e kryeministrit Rama

Nëna e kryeministrit Edi Rama, Aneta Rama ndërroi jetë në moshën 82-vjeçare ditën e sotme (1 gusht).

Ajo ka ndërruar jetë rreth orës 04:00 të mëngjesit.

Këtë e ka bërë të ditur vetë kryeministri përmes një postimi në Facebook.

Mësohet se prej disa ditësh, ajo ka qenë e shtruar në spital dhe vetëm pak ditë më parë është kthyer në banesë.

Në shtëpinë e të ndjerës janë nipi i saj, Gregor Rama dhe bashkëshortja e kryeministrit Linda Rama e cila i ka qëndruar pranë që prej mbrëmjes së djeshme (31 korrik).

Gjithashtu edhe kryeministri sëbashku me të vëllanë Olsi Rama kanë mbërritur në banesë.

Mësohet se varrimi do të bëhet në orën 17:00. Për shkak të pandemisë së koronavirusit nuk do të ketë shumë pjesëmarrje.

” Ishe drita dhe guri këndor i shtëpisë ku u rritëm e u bëmë burra, e ku mbetëm gjithnjë fëmijë. E di, që deri sa të shoh dot diellin e yjet do të jesh me mua, e bukur dhe e fortë si askush. Do të na mungosh shumë, por asgjë më shumë nuk bëje dot për ne sesa e pamundura që bëre plot përkushtim gjithë jetën, prandaj prehu në paqe mam” – shkruan Rama në Facebook