Mësohet data/Gjermania nis shpërndarjen e certifikatave digjitale për COVID-19

Certifikata digjitale COVID-19 (CovPass), e zhvilluar për ata që kanë marrë vaksinën kundër COVID-19 në Gjermani mund të përdoret nga e hëna më 14 qershor.

Ministri gjerman i Shëndetësisë, Jens Spahn në prezantimin e certifikatës dixhitale COVID-19 në Berlin tha se qendrat e vaksinimit, farmacistët dhe mjekët do të vërtetojnë në mënyrë dixhitale informacionin për ata që kanë marrë dy doza të vaksinës.

Duke theksuar se ata që kanë certifikatë digjitale COVID-19 mund të provojnë se janë vaksinuar me aplikacionin CovPass të instaluar në telefonët e tyre të mençur, Spahn theksoi se certifikata do të përfshijë emrin, mbiemrin, datën e lindjes së personit në fjalë, vaksinën e kompanisë që ka marrë si dhe informacione nëse e ka rezultuar pozitiv apo jo me COVID-19.

Personat që janë vaksinuar deri më tani do të marrin një kod QR që përdoret si provë e vaksinimit dhe mund të ruhet në aplikacione, pasi të aplikoni tek mjekët dhe farmacistët dhe të kontrolloni nëse të dhënat në kartën e raportit të vaksinimit janë të sakta dhe ky kod do të jetë i ruajtur aplikacion.

Aktualisht, vetëm vaksinat e aprovuara nga Agjencia Evropiane e Barnave mund të regjistrohen në certifikatën dixhitale COVID-19.

Bashkimi Evropian aktualisht miraton vetëm vaksinat e prodhuara nga BioNTech-Pfizer, Moderna, AstraZeneca dhe Johnson&Johnson.