Marrëveshja Kosovë-Serbi/ Thaçi sfidon Berishën, e fton në debat

Presidenti i Kosovës, Hashim Thaçi, do të jetë i ftuar, sonte në orën 21:00, në emisionin “Të Paekspozuarit”, në News24, përballë analistëve Fatos Lubonja dhe Andi Bushati.

Presidenti i ka komunikuar autorit të emisionit, Ylli Rakipi, se dëshiron dhe është i gatshëm të përballet në puntatën e ardhshme të emisionit “Të Paekspozuarit”, me ish kryeministrin Sali Berisha, i cili ka paraqitur një sërë argumentash kundër idesë për korrigjimin e kufijve mes Kosovës dhe Serbisë.

Kjo është një ftesë e hapur dhe publike, që presidenti Thaçi i dërgon ish kryeministrit Berisha. Nuk dihet nëse ky i fundit do të përgjigjet pozitivisht.