Limaj -VV: Si mendoni të vini në Qeveri kur i mbroni votat e jashtëligjshme
Kreu i Nismës Social Demokrate, Fatmir Limaj ka thënë se Vetëvendosje brenda pak ditësh ndryshoi deklaratat rreth votave të ardhura serbe, vetëm për të marrë tri mandate më shumë nga partia e tij, transmeton Periskopi.
“Janë tri komunikata të partisë të cilët kërkojnë refuzimin. Sot thojnë ndryshe. Cilën me marrë si të mirëqenë ne. Me e akuzu një panel që po bën pazar, a para një jave ke pasë një qëndrim indentik me atë që e ka marrë vendimin PZAP. Ne jemi t’u fol me ligj. I dëgjuam duke thënë që janë të paligjshme. Cilës deklaratë me i besu, cila është e vërteta’”, ka pyetur Limaj.
Tutje Limaj i ka quajtur hipokritë Vetëvendosjen, duke thënë se sim und t’i besohet një Qeverie të tillë që do të marrë mandate me vota të jashtëligjshme.
“Nuk duhet me ataku shtetin kështu, e me thënë ke bë pazare. Mundesh me pasë mendim të gabuar, s’je profesionist. Nuk bën një anëtar i KQZ për një javë me e ndërru mendimin. Vendimi i njëjtë me fjalët e tua që i ke thënë para tri dite. Nuk bën. Cka ke ba sot? Pse me ataku një instituion të pavarur. Se e ke pa që përmes votave të kontrabanduara po i fiton tre deputetë. Nuk është korrekte një parti që po do ta drejtojë shtetin, me thënë pazar, për dicka që dje ke thënë është ligjore. Sot veprimi i tyre tregon hipokrizi dhe heqje të maskave”.
