Kurti nuk i shkon as në ftesën e tretë Thaçit, thotë se mund të takohen të hënën në çfarëdo ore

Kryetari i Lëvizjes Vetëvendosje, Albin Kurti, ka refuzuar edhe ftesën e tretë nga presidenti Hashim Thaçi, për takim për konsultë për mandatarin e qeverisë.

Ai ka thënë se e ka të pamundur të takohen më 31 dhjetor, dhe ka propozuar një takim për 6 janar.

“Ju faleminderit për ftesën e radhës. Fatkeqësisht nuk do të kem mundësi të vij nesër për takim në ora 10:00. Propozoj të takohemi të hënën, më 6 janar, në një orë të përshtatshme për juve. Gëzuar 2020”, thuhet në përgjigjen e Kurtit.