Kurti kushtëzon kthimin në dialog me dorëzimin e Radoiçiqit

Kryeministri Albin Kurti ka kushtëzuar kthimin në dialog me dorëzimin e organizatorit të sulmit në Banjskë, Milan Radoiçiq. Në një intervistë për “Bloomberg”, kryeministri i Kosovës ndër të tjera ka thënë se kritikat e Bashkimit Evropian dhe Shteteve të Bashkuara të Amerikës për trajtimin që po i bën komunitetit serb janë të tepërta.

Vendimet e Qeverisë së Kosovës për të mbyllur institucionet e mbështetura nga Serbia në veri dhe për të ndaluar përdorimin e dinarit kanë nxitur paralajmërime nga BE-ja dhe SHBA-ja se veprimet mund të përbëjnë kërcënim për paqen e brishtë në Ballkan.

Ata janë shumë të shqetësuar”, ka thënë Kurti për “Bloomberg” në një intervistë në Varshavë të mërkurën, e publikuar sot. “Sa herë që ndërmarrim veprime, ka zëra alarmues për përshkallëzim të mundshëm, por ja ku jemi — Kosova është më e mirë se kurrë më parë”.