Kujdes, nga nesër fillon karantina për këto vende në Zvicër

Zvicra nuk do të lirojë masat më 22 mars si kishte parashikuar më herët, për shkak se rastet pozitive nuk janë ulur. Madje, ka shtrënguar masat për disa vende. Qytetarët që vijnë nga këto vende, nga nesër (22 mars) do të duhet të karantinohen, përcjell albinfo.ch.

Këto janë shtetet e reja, banorët e të cilëve për të hyrë në Zvicër nga 22 marsi duhet të karantinohen:

Belgjika, Bullgaria, Polonia, Rumania, Hungaria, Qipro dhe Kosova.

Kushdo që hyn në Zvicër nga vendet e vendosura në listë, duhet të ketë një test negativ PCR që nuk është më i vjetër se tre ditë dhe më pas t’i nënshtrohet në karantinë për dhjetë ditë. Karantina mund të përfundojë nga dita e shtatë, nëse rezultati i testit të shpejtë antigen ose testi PCR është negativ.