Kompani nga Presheva prezentohen në Panairin e Bizneseve Shqiptare në Austri

Në Austri po mbahet “Panairi i Bizneseve Shqiptare 2023” ku po marrin pjesë edhe disa nga kompanitë që veprimtarinë e tyre e zhvillojnë në Presheva dhe Bujanoc.

Pjesëmarrjen e bizneseve nga Lugina në këtë panair e ka organizuar Unioni i Afaristëve të Luginës, i cili urhëhiqet nga kryetari i Unionit të Afaristëve të Luginës, Xhelal Memeti.

Në Panair veprimtaritë e tyre kanë prezantuar Kompania Majanca, Eco Plast dhe Vijator.

Përveç kompanive nga Presheva, në këtë panair të pranishme janë edhe shumë kompani nga Austria, Shqipëria, Kosova dhe Maqedonia.

Kryetari i Unionit, Xhelal Memeti gjatë prezantimit në Panair pati rastin të takojë Zëvendësministrin e Bujqsisë të Republikës së Kosovës, Imri Demelezin dhe kryetarin e Prishtinës, Përparim Rama.

Panairi organizohet nga Rrjeti i Bizneseve Austria e Epërme./preshevapress