Kapja e kokainës në Kosovë, sekuestrohen mijëra euro, armë e municione
Dje në Lipjan është konfiskuar rreth 400 kg kokainë. Konfiskimi i saj erdhi pas një bashkëpunimi mes autoriteteve të Kosovës, Shqipërisë dhe Italisë.
Kështu, janë arrestuar shtatë të dyshuar shtetas të Kosovës, shkruan Indeksonline.
Lidhur me këtë rast, Policia e Kosovës ka dhënë detaje të tjera të tjera në raportin 24 orësh.
Në raport thuhet se gjatë kontrollit në disa lokacione tjera janë gjetur dhe sekuestruar: dy revole një TT dhe tjetra me gas, 50 copë fishekë të cal. 7.62 mm, 25925 € para kesh, 200 denar MK, një veturë, 6 telefona celular, 6 PC, dy llap top, katër DVR dhe një Hard Disc.
“Rr. Lidhje e Prizrenit, Lipjan (NN) 17.05.2021-11:10. Drejtoria e Hetimeve të Trafikimit me narkotik në koordinim me policinë italiane dhe shqiptare, pas një hetimi të përbashkët gjatë kontrollit në depon e një kompanie kanë gjetur dhe sekuestruar një sasi substancë të dyshuar narkotike të llojit kokainë në peshë prej 400 kg, ndërsa gjatë kontrollit në disa lokacione tjera janë gjetur dhe sekuestruar: dy revole një TT dhe tjetra me gas, 50 copë fishekë të cal. 7.62 mm, 25925 € para kesh, 200 denar MK, një veturë, 6 telefona celular, 6 PC, dy llap top, katër DVR dhe një Hard Disc.
Të gjitha veprimet janë ndërmarre në konsultim me gjyqtaren e procedurës paraprake dhe prokurorin e prokurorisë speciale. Shtatë të dyshuar meshkuj kosovar janë arrestuar dhe me vendim të prokurorit dërgohen në mbajtje”.
Indeksonline mbrëmë ka raportuar edhe për emrat e shtatë të arrestuarve.
Izet (Osman) Sheqiri – 23.12.1968
Kadri (Shaip) Sheqiri – 12.09.1978
Faton (Nazmi) Vrajolli – 16.02.1976
Bajram (Lutfi) Maliqi – 05.09.1984
Kadri (Hakif) Brahimi – 06.11.1972
Enver (Ramiz) Belegu – 02.03.1956
Fehmi (Izet) Bytyqi – 16.07.1967
Drejtori i Përgjithshëm i Policisë së Kosovës, Samedin Mehmeti njoftoi se personave të arrestuar u është caktuar masa e ndalimit deri në vazhdimin e procedurave tjera gjyqësore./Indeksonline
