Fitoi dy herë betejën me kancerin, deputetja përballet me sëmundjen e re: Po lë fëmijët…Lutuni që të kthehem
Aktorja dhe deputetja e njohur Adriana Matoshi është përballur sërish me një sfidë aspak të lehtë në jetën e saj.
Siç dihet më herët ajo ka fituar dy herë betejën me kancerin, por tashmë po përballet me një sëmundje tjetër. Përmes një postimi në rrjetet sociale ajo shprehet se për shkak të kësaj sëmundje, i duhet një ndërhyrje e menjëhershme kirurgjikale. Ajo i ka këkruar njerëzve që në këtë muaj të shenjtë “të luten për të që të kthehet shëndoshë e mirë”.
“Edhe një tjetër … Në çastin që e ke zbulu kush osht armiku yt, gjysmën e betejës e ke fitu. E, unë në jetë i konsideroj vetëm dy armiq. Ata që t’i rrehin krahët e të keshin në fytyrë po të shkelin e poshtnojnë pas shpine. Shëndetin kur të tradhton at’herë kur mendon që je e gatshme me e bajt një mal mbi supe. Sëmundjet e mija i kanë hap gjithmonë shume perde, e kanë shpërfaq fytyra të shumta pa maska. Njerëz të shumtë që kanë kesh ma shumë me problemet e mia, sesa me sukseset e mia. Sonte po du me i gëzu krejt kto zemra të ligshta për s’vogli, e me i shqetësu shumë zemra të buta prej madhështie njerezore t’u ua dhon lajmin që tash e një kohë po përballna me një sëmundje të re. Për me e ditë të plotë, thashë t’ju tregoj që problemi jem ka fillu para paraqitjes time televizive në Festivalin e Këngës në RTSH.
Nuk kom leju as vizita mjekësore me zhvillu në ditët kur kemi pas mbledhje në Kuvend e në komisionet ku jom përgjegjëse. Jom kon prezente për krejt, veç për veten jo. Shëndeti m’tradhtoj prapë. Krejt po mendoni që kjo është shej që duhna me e ulë ritmin e jetës, me i ulë angazhimet. Në këtë mujë të shenjtë, po i lo prapë fëmitë e mi, prindtë e mi, punën tem, çdo angazhim të mundshem, shoqnine që m’dojnë. E edhe juve me maska. Krejt, e po e marr veç Zotin edhe lutjet e mija e të ma të dashurve për një operim të radhës.
Unë edhe sonte, po shtrihna në spital për me u kthy prapë. Inatin, urrejtjen, e vnerin që e vjellin çdo dite përmi emrin tem, po shkoj me e largu prej trupit tem. Unë prapë ju du shumë! Ma shumë se ju që ma doni të keqen e ma uroni vdekjen edhe publikisht. Unë po shkoj, për me u kthy. Ishalla ky muaj i shenjtë, urrejtjen ja ua kthen në Dashni. Po shkoj. Ju lutnu unë me u kthy mirë. Unë po lutna me ju gjetë juve ma mirë se kurrë ma parë”, shkruan Adriana Matoshi.
Aktorja kosovare iu nënshtrua një operacioni të rëndë në 1 dhjetor të 2021 për heqjen e një tumori në tru i cili i ishte kthyer pas 9 vitesh. Operacioni i saj shkoi me sukses dhe bëri që t’i rikthehej sërish angazhimeve të saj në kuvendin e Kosovës, po ashtu dhe në profesionin e saj si aktore.
