E dhimbshme: Shoqja e Florijana Ismailit tregon momentin e zhdukjes së futbollistet shqiptare

Futbollistja shqiptare e Kombëtares së Zvicrës, Florijana Ismaili, nga e shtuna konsiderohet si e zhdukur në liqenin e Comos në Itali, transmeton Ministria Lajmeve.

Dje(e shtunë) ishte njoftuar për një turiste zvicerane të zhdukur në liqenin e Comos. Sipas raportimeve nga agjencia italiane e lajmeve “Ansa”, e zhdukura është Florijana Ismajli, futbolliste e Zvicrës dhe e skuadrës së Young Boys.

24 vjeçarja nga Presheva kishte vendosur që me një mike dhe bashkëlojtare të kalonin një ditë në liqenin e Comos. Floriana ishte zhytur në ujë dhe më nuk ka dalë. Pas kësaj janë angazhuar zhytësit dhe kërkimet po vazhdojnë ende.

“Mendova se ndoshta donte të më trembte dhe të dilte nga ana tjetër e varkës. Pas disa minutash e thirra ne emër e dëshpëruar” – tregon shoqja e futbollistes.

Kërkimet janë duke vazhduar, por ende nuk ka ndonjë informatë lidhur me Florijana Ismailin./