Barcelona me një këmbë në finale, Messi leksion Liverpoolit

Barcelona ka shënuar fitore të thellë në ndeshjen e parë gjysmëfinale të Ligës së Kampionëve, me një paraqitje të jashtëzakonshme nga Leo Messi.

Katalunasit shënuan fitore prej 3 me 0 në Camp Nou, me golin e parë të shënuar nga Luis Suarez në minutën e 26 pas asistimit nga Jordi Alba, transmeton Koha.net.

E në pjesën e dytë në skenë doli Leo Messi që shënoi dy herë.

Argjentinasi shënoi në minutën e 75 për ta dyfishuar epërsinë. Derisa në minutën e 82 Messi shënoi një eurogol nga gjuajtja e lirë, që njëherësh ishte goli i tij i 600 i tij.

Ndeshja e kthimit zhvillohet më 7 maj në Anfield Road.