Veseli u bënë thirrje gjithë bashkëkombësve në Mal të Zi : Votoni partitë shqiptare

Kreu i Partisë Demokratike të Kosovës(PDK), Kadri Veseli u ka bërë thirrje gjithë shqiptarëve në Mal të Zi që të votojnë partitë shqiptare.

Këtë thirrje, Veseli e ka bërë në prag të zgjedhjeve parlamentare në Mal të zi që pritet të mbahen më 30 gusht.

“Forcimi i zëri të shqiptarëve në institucionet shtetërore të Malit të Zi, është në dobi edhe të vetë këtij shteti fqinj, sepse shqiptarët kudo ku jetojnë e mbajnë të palëkundur orientimin euro-atlantik dhe mbështesin pa kursim forcimin e liberal demokracisë dhe bashkëjetesës në diversitet”, ka shkruar Veseli në Facebook./arbresh.info/