Kurti i uron besimtarëve mysliman festën e Fitër Bajramit

Kryeministri i Kosovës, Albin Kurti uron gjithë besimtarët mysliman për festën e Fitër Bajramit, përcjell Ministria e Lajmeve

Urimi i plotë i Kurtit :

Me fat Fitër Bajrami!

Pas një muaji përkushtim e sakrificë për lartësim shpirtëror, uroj që kjo festë të ju sjellë gëzim dhe paqe!

Si ditë e besimit dhe shpresave të reja qoftë ditë e ripërtëritjes së dashurisë për njeriun dhe njerëzoren. Në solidaritet me të varfërit e të vetmuarit, kjo festë ua mbushtë zemrat me mirënjohje.

Uroj mirësi e begati në shtëpitë tuaja dhe në shtetin tonë!