Huqja e vitit, parashikimi i Milaim Zekës, që do të kishte 10 deputetë

Një parti e re që i hyri garës ishte edhe Partia Evroatlantike e Kosovës, me kryetar Milaim Zeka, që mori vetëm 0,13 për qind të votave apo 1.043 vota në gjithë vendin, shkruan Indeksonline.

Por, pritshmëritë e Zekës ishin tej të mëdha, i cili në intervista e debate televizive thoshte se ai do të ketë 8 deri në 10 deputetë.

“Sipas sondazheve të ndërkombëtarëve kam dalë deputeti ma i votuar si individ, mbi të gjithë deputetët e tjerë. Sondazhet tregojnë PEK-un në krahasim me NISMA-n dhe AKR-në qëndrojnë shumë më lartë, kanë dalë 7.5 dhe 8.5

Kem dashtë me nda murin mes së keqës dhe së mirës dhe në bazë të sondazheve do të hyjmë në parlament me 8 deri në 10 deputetë”, kishte thënë Zeka në PRESSING.

Kujtojmë se Zeka kishte fituar një vend në Parlament në legjislaturën që lamë pas në subjektin politik NISMA, ndërsa ishte i dyti më i votuar pas Fatmir Limajt.