Hoti s’shkon të dielen në Bruksel për takim me Vuçiqin, takimi shtyhet për të enjten

Kryeministri i Kosovës, Avdullah Hoti nuk ka qenë i gatshëm të shkojë në Bruksel të dielen, më 12 korrik, për ta takuar presidentin e Serbisë, Aleksandar Vuçiq, mëson KOHA nga burimet diplomatike.

Kjo ka qenë arsyeja kryesore e shtyrjes së takimit për të enjten, më 16 korrik.

Megjithatë, të dielen pritet të mbahet një video-konferencë, kësaj radhe e organizuar nga Bashkimi Evropian.