Gashi: Nëse Vjosa Osmani nuk do të ishte bartëse e listës, ndoshta LDK do të kishte më shumë vota

Shefi i Grupit Parlamentar të LDK-së, Arben Gashi ka thënë se Vjosa Osmani ka marrë aq vota për shkak të mobilizimit të madh që kishte LDK.

Gashi në “Debat Plus” me Ermal Pandurin në RTV Dukagjini ka thënë se LDK ishte mobiluar shumë që të sigurojë sa më shumë vota për bartësen e listës që ishte Vjosa Osmani për shkak të garës me Vetëvendosjen se cili lider do të merr më shumë vota.

Në të gjitha zgjedhjet dhe tek të gjitha partitë bartësi i listës merr 70-80 për qind të votave të elektoratit të tyre”, tha ai, përcjell Telegrafi.

I pyetur nëse LDK do t’i kishte votat e njëjta nëse Vjosa Osmani nuk do të ishte bartëse e listës, Gashi ka thënë se ndoshta do të dilnim më mirë.