Dështon i shumëprituri Galaxy Fold i Samsung

Samsung shtyn datën e lëshimit në treg të modelit të ri të telefonave të menqur Galaxy Fold pas defekteve të shumta të vërejtura nga provat e testuesëve, transmeton Ministria Lajmeve

Gjiganti koreano jugor Samsung lajmëroi sot se do të shtyjë daljen në treg të Galaxy Fold pas telasheve të raportuara nga kritikët e teknologjive në media të ndryshme. Telefoni i menqur Galaxy Fold, që veçanti e ka palosjen e ekranit, e pikërisht gjatë palosjes i thyhej ekrani.

Samsung kommunikoi se do të shtyjnë lëshimin në treg të planifikuar për këtë javë, pasi që “kritikët na treguan se paisja ka nevojë për përmirësime”.

Samsung nuk ka lajmëruar për datën e re të lëshimit në treg të Galaxy Fold, ata njoftuan se do të lajmërojnë në javët në vijim.

Galaxy Fold ishte projekt në zhvillim për tetë vite në Samsung dhe ishte paisje që do të duhej të rriste të hyrat në rënie të kompanisë.

Rivalët kinez Huawei dhe Xiaomi gjithashtu janë në zhvillim të modeleve të telefonave të menqur që palosen.