Atë që e bëri Manchester City sot, nuk e ka bërë asnjë skuadër nga top ligat evropiane këtë sezon

Që nga ardhja e Pep Guardiolas si trajner i Manchester Cityt, skuadra angleze është shëndrruar ndër skuadrat më të forta në Premier Ligë dhe jo vetëm, transmeton Ministria Lajmeve.

Në ndeshjen e zhvilluar sot ndaj Crystal Palace, City shënoi fitore me rezultatin 1-3, kështu duke e shënuar një rekord në Evropë.

Nga ndeshjet e zhvilluara deri më tani në gjitha kompeticionet, Manchester City ka arritur shifrën e 150 golave dhe bëhet skuadra e parë nga top ligat evropiane që ka arritur këtë shifër brenda këtij sezoni.

Ndryshe, kampioni në fuqi i Premier Ligës është në një garë të ashpër me Liverpoolin për titull këtë sezon. Momentalisht, City ka 83 pikë në krye të tabelës, vetëm një pikë më shumë se Liverpooli.