Zyrtare: Ndeshja Maqedoni e Veriut – Kosovë do të luhet pa publik

Ndeshja ndërmjet Maqedonisë së Veriut dhe Kosoëvs, më 26 mars në Shkup, do të luhet pa publik, është bërë e ditur nga burime të Kohës.

Vendimi është marrë nga Qeveria e Maqedonisë së Veriut, pas pranimit prej saj të rekomandimit nga Sektori për Sëmundje Infektive.

Ministri i Shëndetësisë i Maqedonisë së Veriut, Venko Filipqe, në konferencë për media ka njoftuar se qeveria ka vendosur të ndalojë tubimet në masë për 30 ditë, pra deri më 10 prill.

Federata e Futbollit të Maqedonisë së Veriut më herët ka njoftuar se do t’u kthehen paratë gjithë tifozëve që kanë blerë bileta.