Revoltohet i moshuari nga Presheva: Vendimi për targat na ka marrë në qafë, në këmbë e kalova kufirin

Me vendimin e Qeverisë së Kosovës që mos të lejojë hyrjen në Kosovë të të gjitha automjeteve me targa të Serbisë, janë prekur edhe qytetarët e Luginës së Preshevës

Një pjesë e tyre kanë thënë se se reciprociteti për targat është i nevojshëm, por ka të tjerë që nuk janë pajtuar me këtë vendim.

Një i moshuar nga Komuna e Preshevës ka thënë se Qeveria “i ka marrë në qafë me këtë vendim”.

Sipas tij Qeveria duhet të ndërmarrë masa lehtësuese ndaj banorëve të Luginës, e jo masa që ua vështirësojnë jetën.

“O na morën në qafë. Ju hanu me Serbinë, e jo me neve shqiptarëve të Luginës. Neve duhet me na liru e jo me na koqitë në këtë mënyrë. Menxi që dola në këmbë këndej kufirit, na mur dikush mirë, që nuk na merr nuk kemi çka bëjmë”, u shpreh ai për një medium të Preshevës