Preshevari në krye të firmës së tekstilit digjital në Zvicër

Duke qenë i familjarizuar me fushën e IT, Besim Sylejmani në vitin 2011 së bashku me bashkëshorten e tij hapi firmën All-Stickerei.ch. Rruga deri tek ky hap për Besimin kishte nisur në vitin 2001. Si njeri që kishte përvojë në fushën e tekstilit, në vitin 2001 ai bleu pajisje nga një firme që kishte bankrotuar, pajisje të cilat i dërgoi në Preshevë ku dhe filluan biznesin familjar Allcom-Printshop.

“Meqenëse vëllai im kishte një përvojë në fushën e tekstilit qëllimi yni ishte që gjithçka që shtypej nga tekstili si rrobat e punëtoreve dhe gjithçka që prodhohej nga ne të vinte nga Presheva në Zvicër“, tregon për albinfo.ch Besimi Sylejmani.

“Me kalimin e kohës, kërkesat e shpejta të klientëve u rritën, kohëzgjatja e transportit u bë më e vështirë, prandaj vendosëm të ndryshojmë, ashtu që gjithçka të prodhohet në Zvicër. Kështu, së bashku me bashkëshorten time ne në vitin 2011 hapëm firmën e quajtur All-Stickerei.ch“ vazhdon tregimin për albinfo.ch Besimi Sylejmani.

All-stickerei.ch për bizneset e reja ofron gamë të gjerë të produkteve, duke filluar nga Logot, Webdesign, Beschriftung-Werbetechnik, Digitaldruck, Stickerei, Transferdruck e shumë teknika të tjera. All-stickerei në konsultim profesional me klientët ofron zgjidhje adekuate për rroba të punës të cilat i ofron me një kualitet të lartë dhe garancion afatgjatë.

“Firma jonë ofron shitjen e produkteve nga të gjitha llojet e tekstilit, bëjmë shtypjen ose qëndisjen digjitale për firma të ndryshme. Për firmat në themelim ne jemi adresa e duhur duke u ofruar një sërë produktesh- shërbimesh: Logo, Webdesign, Beschriftung-Werbetechnik, Digitaldruck, Stickerei, Transferdruck e shumë tjera” tregon mes tjerash për albinfo.ch Besim Sylejmani.

All-Stickerei.ch, përveç uniforma pune për lëmenj të ndryshëm, ofron produkte dhe shërbime online. Shërbimet e saj shkojnë edhe me tutje, kjo firmë e specializuar e qëndisjes digjitale në bazë të kërkesave të klientëve bën prezantimin tek klientët e saj të produkteve të tyre, në këtë mënyrë u mundëson bizneseve që nga afër të njihen me gamën e produkteve me qëllimin e vetëm që bëjnë zgjidhjen e duhur.

All-Stickerei.ch me kualitetin e produkteve dhe çmimet e favorshme është e shtrirë në të gjitha kantonet e Zvicrës, por jo vetëm kaq. Produktet e all-Stickerei.ch tashmë zënë vend edhe në Evropë, përfshirë Gjermaninë, Austrinë, Francën, e gjithë kjo falë kualitetit të lartë e të kontrolluar, dërgesave të shpejta dhe kreativitetit të punës e korrektësisë në termine.

Për All-Stickerei.ch parim kryesor është cilësia e biznesbërjes, cilësia e komunikimit me klientët. “Dua të them se duhet përqendruar te qëllimi e jo te rezultati prandaj të arrish besueshmëri tek klienti duhet pasur shumë përkushtim. Durim dhe menaxhim të disiplinuar sepse çdo punë ka përparësitë dhe mangësitë por me agjendën e planifikuar me disiplinë arrihet çdo gjë.” shprehet Besimi.

Kush është Besim Sylejmani

Besim Sylejmani i lindur dhe rritur në Rahovicë të Komunës së Preshevës, deri në vitin 1995 kishte jetuar dhe punuar në Preshevë në fushën e Tregtisë. Ishte viti 1995 ku ai kishte vendosur të emigronte në Zvicër. Si edhe për shumë të tjerë edhe për të nuk ishte i lehtë integrimi. Për Besim Sylejmanin rruga e vetme ishte përkushtimi  për të mësuar gjuhën gjermane dhe ndjekja e shkollimit duke u specifikuar fushën e IT-së, logjistikës dhe ekonomisë, fusha për të cilat kishte ndjekur shkolla të specializuara.

Shërbimet e all-stickerei.ch marrin firma me emra internacionalë siç janë: „ABB Schweiz AG” , “Hitachi”, “Vifor Pharma”, “Micro-Repro AG” ku kërkohet kualiteti njëqindpërqind. E gjithë kjo falë punës profesionale të all-stickerei.ch e cila për 6 vite ka arritur që të jetë partner i besueshëm i firmave më me emër në Zvicër.