Njoftim mbi restriksionin në rrjetin e ndriçimit publik

Komuna e Preshevës përmes një njoftimi në faqen e saj zyrtare ka bërë të ditur se do të reduktohet orari i ndriçimit publik në tërë territorin e komunës përcjell Ministria Lajmeve.

Njoftimi i plotë :

Të nderuar qytetarë të komunës së Preshevës!

Nisur nga nevoja sigurimit të mjeteve financiare për realizimin e mbështetjes financiare për pjesëmarrje në përballimin e dëmeve të shkaktuara gjatë situatës së jashtëzakonshme, ndaj bizneseve lokale të komunës sonë, Komuna e Preshevës ka ndërmarrë hapin e shkurtimit të orarit në rrjetin e ndriçimit publik në tërë territorin e Komunës sonë.

Nisur nga fakti që gjatë orëve të natës, për shkak të gjendjes së jashtëzakonshme dhe orës policore, ku qarkullimi i qytetarëve është rreptësisht i ndaluar, reduktimi i orarit të punës së rrjetit të ndriçimit publik, do të mundësojë kursimin e mjeteve financiare.

Me këtë rast, mjetet financiare që do të kursehen nga restriksioni i ndriçimit publik, do të përdoren për financimin e pakove financiare mbështetëse të Komunës së Preshevës. (komuna e Preshevës)