Mustafa: Sot presidentja Osmani shuajti shpresën e shqiptarëve të Luginës për bashkëgjitje me Kosovë

Kryetari i PDSH-së Ragmi Mustafa nëpërmjet një shkrimi shkroi se presidentja e Kosovës Vjosa Osmani me fjalimin e saj në parlamentin e Kosovës shuajti shpresat e shqiptarëve të Luginës së Preshevës për bashkëngjitje me Kosovë, përcjell Ministria e Lajmeve

Tutje Mustafa konsideroi se me këtë presidentja Osmani shfuqizon Referendumin 1 dhe 2 Marsit të vitit 1992, luftën e UÇPMB-së dhe aspiratat shekullore të shqiptarëve të Luginës.

Shkrimi i plotë pa ndërhyrje :

Të dashur shqipëtar e shqipëtare të Preshevës, Bujanocit e Medvegjës! Sot, në parlamentin e Republikës së Kosovës presidentja e vendit shpallë të vdekur idenë e shpresën e shqiptarëve të Luginës së Preshevës për bashkëngjitje me Kosovë. Me këtë, njëkohësisht shfuqizon Referendumin e 1 e 2 marsit të vitit 1992, luftën e UÇPMB-së dhe aspiratën shekullore të shqiptarve të këtyre trojeve për ribashkim me Republikën e Kosovës.
Asnjëher nuk ka qenë në të kaluarën si të afërme por edhe të largët shkëmbimi territorial në mes Kosovës e Serbisë. Por, ka pasur një angazhim e zotim të presidentit Thaçi që të ribashkoj Preshevën, Medvegjën e Bujanocin me Republikën e Kosovës.
Rikujtojmë, se nuk mund të ket presidente e as president as në Kosovë e as në Serbi, që të shuaj për dhe, jo vetëm dëshirën e shqiptarëve të Preshevës, Bujanocit e Medvegjës por as edhe dokumentet e saja për përcaktueshmëri e vetvendosje të tyre se ku duan të jetojnë.
Shqiptarët e Luginës së Preshevës, bien e zgjohen nga gjumi bashkë me ëndrrën se që nesër do të ribashkohen me Kosovë dhe të nisen drejt varreve të gjyshërve e gjysheve të tyre për t’u rrëfyer se edhe NE u liruam nga okupimi serb, sepse gjitha gjeneratat që ndërruan jetë e vdiqën me sy hapur se nuk e panë të lirë tokën autoktone të tyre.
Nuk do të ndalemi kurrë në rrugëtimin tonë stërgjyshor drejt bashkimit me Kosovë.

RM