Maqedoni e Veriut: 26 viktima dhe 758 raste të reja me Covid-19
Në 24 orët e fundit në Maqedoninë e Veriut janë kryer 2562 testime për koronavirus dhe prej tyre 758 kanë rezultuar pozitivë. Po ashtu në 24 orët e fundit kanë humbur jetën 26 pacientë te diagnostikuar me COVID-19, ndërsa janë shëruar 944 persona.
Vendi aktualisht ka 20.751 raste aktive me Covid-19. Që nga fillimi i pandemisë janë regjistruar 79.190 raste, prej të cilëve 56.099 janë rikuperuar, kurse 2340 pacientë kanë humbur betejën me sëmundjen e Covid-19.
