Kumbulla ia siguron një pikë Romës ndaj Milanit
Ndeshja derbi e Serie A, Milan – Roma, është mbyllur pa fitues.
Derbi është luajtur të hënën mbrëma në “San Siro” dhe përfundoi 3:3.
Mbrojtësi shqiptar Marash Kumbulla, shënoi golin e fundit dhe të barazimit për Romën në minutën e 84-t.
Reprezentuesi i Shqipërisë shënoi nga afërsia pas harkimit nga korneri. Golat tjerë për Romën i shënuan Edin Xheko dhe Jordan Veretout, kurse për Milanin Zlatan Ibrahimoviq (2) dhe Alexis Saelemaekers.
Pas pesë xhirove, Milani zë vendin e parë me 13 pikë, kurse Roma është e nënta me tetë pikë.
