Komuna e Bujanocit ndalon punën e kafitereve, restoranteve, bastoret, hoteleritë… (Vendimi)

Shtabi për situata të jashtëzakonshme i komunës së Bujanocit ka marrë vendim për ndalimin e punës nga sot të gjitha objekteve hotelerie , restorantet, baret, kafiteritë, qebaptoret, ëmbëltorët , objektet e video-lojërave dhe bastoret sportive.

Të gjitha këto objekte janë të detyruar të largojnë të gjitha tavolinat, karrikat dhe artikujt e vendosur në hapësira publike me qëllim të dezinfektimit, shkruan Titulli.com.

Këto ndalesa kanë hyrë në fuqi nga data 21 mars dhe vlejnë derisa të kalojmë nga gjendja e jashtëzakonshme thuhet në konkluzionin e komunës së Bujanocit

Ditë më parë edhe komuna e Preshevës e kanë sjellë vendimin për ndalimin e këtyre veprimtarive në territorin e vet për shkak të gjendjes së jashtëzakonshme pas pandemisë nga Coronavirus.

Gjendja e jashtëzakonshme në territorin e Serbisë është shpallur nga qeveria e cila ka miratuar edhe masat emergjente që vlejnë gjatë kësaj kohe.