Aksidenti tragjik me humbjen e jetës së dy të miturve në Durrës, shkarkohet drejtori i Policisë së Durrësit

Drejtori i Përgjithshëm i Policisë së Shtetit Skënder Hita, ka vendosur shkarkimin nga detyra të drejtorit të Drejtorisë Vendore të Policisë Durrës, Afrim Tafa.

Fillimisht, pas ngjarjes tragjike, Tafa u pezullua nga detyra së bashku me dy zyrtarë të tjerë të lartë, zëvendësdrejtorin për Rendin dhe Sigurinë Publike, Kryekomisar Zija Sulaj, si dhe shefin e Sektorit të Policisë Rrugore, Kryekomisar Kreshnik Skëndo. Sipas njoftimit zyrtar, pezullimi u bë për performancë të dobët në përmbushjen e detyrave.