Vizitë zyrtare: Ministri Demo Berisha nesër në Bujanoc

Sipas një njoftimi nga Trupi Koordinues i Qeverisë së Serbisë, ministri për të Drejtat e Njeriut dhe të Pakicave dhe Dialogun Shoqëror, Demo Berisha, nesër do të qëndrojë në Bujanoc.

Gjatë vizitës, ministri Berisha do të zhvillojë një takim me kryetarin e Trupit Koordinues, Aleksandar Martinoviq, ushtruesin e detyrës së drejtorit të Shërbimit të Trupit Koordinues, Nenad Mitroviq, si dhe me kryetarët e komunave Bujanoc dhe Medvegjë, Arbër Pajaziti dhe Dragan Kuliq.

Takimi do të mbahet në paralelen e Fakultetit Ekonomik të Suboticës në Bujanoc, në rrugën “Karagjorgje Petroviq” bb.

Programi:

• 11:00 – 13:00 – Takim (hapur për xhirim në fillim)
• 13:00 – 13:15 – Deklarata për media