Driton Rexhepi krijon iniciativë të re politike shqiptare, “Lëvizja për Bujanocin”

Një grupim i ri politik është shfaqur sonte në skenën politike shqiptare të Bujanocit.

“Lëvizja për Bujanocin”, do të quhet kjo nismë e cila si nismëtar bartë Driton Rexhepin, raporton FOLonline.

Në ambientet e hotelit “Rozafa”, siç shihet në foto, Rexhepi tuboi rreth vetes edhe personalitete tjera të cilët duket të jenë përkrahësit e kësaj nisme politike.

Ndryshe, në zgjedhjet e kaluara, Driton Rexhepi, ishte kandidat i PVD-së për kryetar komune.

Në postimin e tij të sontëm përmes Facebookut, ai uroi mbarësi për iniciativën në fjalë.

Postimi i Driton Rexhepit:

Unitet me sovranin

Rruga jonë e ngushtë e profesionit, apo puna e secilit, nuk guxon të jetë më e rëndësishme dhe e pavarur nga rruga e gjerë, e përbashkët e të gjithëve.

Për të realizuar një projekt madhor nuk nevojitet që të gjithë të bëjnë plane e veprime të mëdha, por që të gjithë të punojmë për një projekt të përbashkët dhe që secili nga ne të mbajë qoftë edhe veç një gur në ndërtimin e tij – gurin e besimit, të veprimit, apo të shpresës.

Na priftë e mbara në punët që na presin

Lëvizja ❤️për Bujanocin🇦🇱