Vetëvendosje dërgon ankesë në PZAP: Ne jemi të bindur në të drejtat tona

Lëvizja Vetëvendosje ka dërugar ankesë në Panelin Zgjedhor për Ankesa dhe Parashtesa kundër vendimit të djeshëm të KQZ-së për mosçertifikimin e listës së LVV-së.

Në postimin që e kanë bërë LVV, ata shkruajn që janë të bindur në të drejtat e tyre.

Postimi i plotë :

Lëvizja VETËVENDOSJE! brenda afatit ligjor ka dorëzuar ankesë pranë Panelit Zgjedhor për Ankesa dhe Parashtesa kundër vendimit të djeshëm të KQZ-së për moscertifkimin e listës sonë për deputetë në zgjedhjet e 14 shkurtit.

Pavarësisht rekomandimit të qartë nga Zyra për Certifkimin dhe Regjistrimin e Subjekteve Politike për të certifikuar listat e deputetëve në pako, i vetmi organ profesional që ka mandat të tillë, KQZ në krye me Valdete Dakën në mënyrë arbitrare dhe antiinstitucionale hodhi poshtë këtë rekomandim me qëllimin e vetëm që ta pamundësojë certifikimin e listës së Lëvizjes VETËVENDOSJE!.

Ne jemi të bindur në të drejtën tonë, sikurse jemi të bindur se lista e dorëzuar nga Lëvizja VETËVENDOSJE! me 16 janar 2021 do të çertifikohet e plotë me bartësin e saj, kryetarin Albin Kurti.