Del sondazhi i fundit për zgjedhjet e 14 shkurtit: VV merr 52 deputetë, PDK 22, LDK 17 dhe AAK 9

Analisti kosovar, Bleron Baraliu, i cili jeton dhe vepron në Shtetet e Bashkuara të Amerikës, e i cili në vazhdimësi merret me parashikime politike ka dhënë disa projeksione të tij lidhur me rezultatin e zgjedhjeve të 14 shkurtit në Kosovë.

Ai ka thënë në RTV Dukagjini se Vetëvendosje sipas projeksionit të tij do të fitojë 52 mandate në Kuvend.

Sipas tij 22 deputetë do t’i fitojë PDK, 17 LDK dhe 9 mandate AAK.

Baraliu ka thënë se Vetëvendosje do të arrijë 407 mijë vota, PDK 158 mijë e 400 vota, LDK 125 mijë e 875 vota, AAK 66 mijë e 825.

Sipas projeksionit të tij Nisma Socialdemokrate nuk do të arrijë ta kalojë pragun.