Prokuroia: Shkaktari i aksidentit mosfunksionimi i frenave

Kreu i Gjilanit Lutfi Haziri, në adresimin e dytë për media pas tragjedisë së sotme në këtë komunë, bëri të ditur se gjendja po shkon drejt sanimit dhe se ka tërhequr masat emergjente të cilat ishin aktivizuar pas aksidentit.

Haziri njoftoi se një person ka ndërruar jetë, dy janë në gjendje të rëndë në QKUK ndërsa 12 të tjerë janë duke u trajtuar në Spitalin e Gjilanit.“Dëmet materiale do të vlerësohen më vonë. Fatkeqësia më e madhe mbetet humbja e jetës” tha Haziri.Togeri Ismet Hashani, njoftoi se policia në bashkëpunim të ngushtë me prokurorinë dhe spitalet janë duke punuar në zbardhjen e rastit.

Ai theksoi se së shpejti do të dihen saktë edhe arsyet se pse kamioni është futur në rrugë kryesore.

Prokurorja e rastit deklaroi se personi i dyshuar është intervistuar dhe i njëjti është ndaluar.

Ajo tha se bazuar në informatat e deritanishme deri tek aksidenti erdhi si pasojë e shkaqeve teknike, mosfunksionimi i frenave.