Jeremiq: Serbia u zotua në Uashington të ndalojë përgjithmonë lobimin kundër Kosovës

Presidenti i Partisë Popullore, Vuk Jeremiq, deklaroi sot se Serbia, me nënshkrimin e presidentit Aleksandar Vuçiq në Shtëpinë e Bardhë, u zotua që të ndalojë përgjithmonë lobimin në botë për tërheqjen e njohjes së Kosovës.

“Ne kemi zotuar vetveten ad-infinitum, që pa një afat kohor, të mos e bëjmë këtë, ndërsa Prishtina është zotuar të mos bëjë kërkesë për anëtarësim në ndërkombëtare organizatat,” tha Jeremiq për televizionin Nova S.

Jeremiq deklaroi se Vuçiq ka qenë në telashe të mëdha me BE që të premten e kaluar, kur ai nënshkroi dokumentin në Shtëpinë e Bardhë, për shkak të asaj që nënshkroi në Uashington.

“Ky është momenti në të cilin Vuçiq mori një vendim taktik për t’u dorëzuar nën presion. Tani ai ka anuluar stërvitjet ushtarake. Nuk ka strategji politike dhe diplomatike,” tha Jeremiq.