SHBA për rolin e Rusisë: I mirëseardhur çdokush që do t’u ndihmojë Kosovës dhe Serbisë

Zëdhënësi i të dërguarit të posaçëm të SHBA-së për dialogun Kosovë – Serbi, Richard Grenell, Dick Custin, ka thënë se çdokush që ndihmon me ide për stabilitet, paqe dhe prosperitet në Kosovë e Serbi, është i mirëseardhur.

Custin me këtë i është referuar deklaratës së ambasadorit të Rusisë në Beograd, Aleksandr Botsan – Kharchenko, i cili tha se marrëveshja Kosovë – Serbi duhet të konfirmohet në Këshillin e Sigurisë të OKB-së dhe kjo me një rezolutë të re që do të zëvendësonte atë 1244, shkruan REL.

Custin është pyetur nëse duhet të miratohet një rezolutë e re dhe nëse ka hapësirë për Rusinë në dialogun për normalizim të marrëdhënieve Kosovë – Serbi dhe përgjigja e tij ishte: “Çdokush është i mirëseardhur që të kontribuojë me ide për stabilitet, paqe dhe prosperitet në Kosovë dhe Serbi”.