Ragmi Mustafa i pranishem ne takimin e Bashkerendimit te Keshillave Kombetare

Gjatë ditës së sotme në Beograd u mbajt konstituimit i Bashkërendimit të Këshillave Kombëtare të pakicave, ku po qëndron edhe kryetari Ragmi Mustafa. Në mbledhjen e parë të këtij organi të lartë u diskutua për qasjen dhe fokusin në fushat në të cilat janë kompetente Keshillat Kombëtare.

Kryetari Mustafa potencoi sfidat e Këshillit Kombëtar Shqiptar në fushat përkatëse dhe mënyrën e qasjes ndaj tyre.
Gjithashtu kryetari Ragmi Mustafa u takua në një takim të përbashkët edhe me avokatin e popullit z.Zoran Pashalliq  me të cilin  kryetari ngriti çështjen e pasivizimit të vendbanimit qytetarëve shqiptarë të komunave Preshevë, Bujanoc dhe Medvegjë, si një mënyrë perfide e spastrimit nga regjistrat civil në Luginë të Preshevës si dhe tema të tjera me rëndësi në të cilat KKSH ka konstatuar shkelje të të drejtave të njeriut.
Keshilli Kombëtar Shqiptar do të vazhdojë të jetë këmbëngulës në kërkesat për të drejtat individuale dhe kolektive të shqiptarëve.
Me datë : 18.02.2019

Shërbimi për informim i KKSH