Reagon Ziadin Sela per rastin qe ka ndodhur sot ne Kalane e Ohrit
Lidhur me rastin që sot ka ndodhur në Kalanë e Ohrit që në media u prezentua me shumë pompozitet se qenka vendosur flamuri kombtarë shqiptarë nga një grup vizitorësh Arbëreshë nga Italia, për opinjon përcjellim se Aleanca për Shqiptarët shprehë shqetësimin e sajë për mënyrën e reagimit nga ana e Ministrisë së Punëve të Brendshme në Ohër që sipas informacioneve tona dy pjestarë nga grupi i vizitorëve janë ndaluar nga ana e policisë.
Ngritja e flamurit Kombëtarë Shqiptarë sipas informacioneve që kemi aspak nuk ka pasur për qëllim provokimin e dikujt por është vendosur për koreografi të grupit të valltarëve nga shoqata kulturore Arbëreshe.
Vendosja e Flamurit Kombtëarë Shqiptarë në Kalanë e Ohrit nuk paraqet as shkelje ligjore e as rrezik për askënd,aq më pakë kur dihet se në Maqedoninë e Veriut,shqiptarët përbëjnë 1/3 e popullatës dhe janë popull autoktonë.
Për ne si Aleancë shqetësues është fakti se kur bëhet fjalë për shqiptarët dhe simbolet e tyre kombëtare me keqardhje mundë të konstatojmë se aspak nuk ka ndryshuar logjika dhe mentaliteti diskriminues që ka qenë karakteristikë e sistemit komunistë jugosllavë dhe vazhdon edhe sot e kësaj dite.
Aleanca për Shqiptarët vlerson se ky incident aspak nuk e ndihmon vendin në përcaktimin e sajë Euro-Atlantik dhe prishë imazhin e shtetit aspirante për antarësim në NATO dhe BE.
