Administrata e Trumpit shkarkon drejtorin e Agjencisë Kombëtare të Sigurisë

Administrata e Trumpit ka shkarkuar drejtorin e Agjencisë së Sigurisë Kombëtare (NSA), gjeneralin Timothy Haugh dhe zëvendësen e tij, Wendy Noble, në një lëvizje që trondit komunitetin e inteligjencës amerikane.

Haugh, që drejtonte edhe Komandën Kibernetike të SHBA-së, u emërua në këtë post në shkurt 2024, raporton CNN-i

Ende nuk dihen arsyet e shkarkimit, por vendimi merret pas një vale largimesh në Këshillin e Sigurisë Kombëtare, pas sugjerimeve nga aktivistja e ekstremit të djathtë, Laura Loomer.

Ndërkohë, gjenerallejtënant William Hartman pritet të marrë përkohësisht drejtimin e NSA dhe Cyber Command.