Në Gjermani testohet sistemi 4 ditë punë, 3 ditë pushim

Një projket i sistemit 4 ditë punë dhe 3 ditë pushim tashmë është testuar në shumë kompani gjermane, përcjell albinfo.ch. 

Kjo ka qenë esenca e projektit që ka zgjatur gjashtë muaj në Gjermani dhe në të cilin kanë marrë pjesë rreth 45 kompani

Rezultatet i ka paraqitur sot Universiteti i Mynsterit dhe ato janë befasuese. Rreth tri të katërtat e kompanive që kanë marrë pjesë në këtë projekt kanë deklaruar se do të vazhdojnë të punojnë me sistemin katër ditë në javë dhe janë të kënaqur me këtë projekt. 

Rreth 20 % e kompanive kanë deklaruar se do të kthehen në sistemin e vjetër, pra në konceptin pesë ditë pune në javë. 

Ndërsa 7 % e kompanive që kanë marrë pjesë në këtë projekt akoma nuk kanë vendosur se çfarë do të bëjnë – do të vazhdojnë me katër ditë në javë, apo do të kthehen në sistemin klasik prej pesë ditë pune në javë. 

Mbështetësit e këtij sistemi thonë se punëtorët janë më të motivuar, më të pushuar dhe kanë më shumë kohë të lirë për familje e relaksim. Ndërsa kundërshtarët thonë se për katër ditë nuk mund të kryhen punët e duhura dhe se duhet të vazhdohet të punohet të paktën pesë ditë në javë. 

Ky koncept po testohet edhe në disa vende të tjera, gjithashtu është duke u përgatitur një video dhe ditët në vijim do t’ju njoftojmë detajisht me rezultatet, përparësitë dhe mangësitë.