Qeveria e Zvicrës shpall “Gjendjen e jashtëzakonshme” në gjithë vendin

Me qëllim luftimin e përhapjes së mëtejshme të koronavirusit, Qeveria Federale e Zvicrës ka ngritur masat e gatuishmërisë në nivel vendi Ajo ka shpallur pak minuta më parë “Gjendjen e Jashtëzakonshme” duke ashpërsuar masat e ndërmarra për mbrojtjen e popullatës.

Kjo është kumtuar në një konferencë me media që presidentja e federatës Simonetta Sommaruga me disa nga ministrat federalë dhe me bashkëpunëtorët e ka filluar në Bernë në orën 17.00

Nga mesnata e sotme, sipas këtij vendimi duhet të mbyllen të gjitha shitoret, restorantet, baret si dhe lokalet tjera të argëtimit.

Nga mbyllja përjashtohen vetëm shitoret ushqimore dhe institucionet shëndetësore. Këto masa vlejnë deri më 19 prill 2020.

Konferenca për media është duke vazhduar edhe në këto çaste. Ministrat federalë po flasin për hollësitë rreth zbatimit të gjendjes së shpallur të jashtëzakonshme.

Para kësaj, disa kantone (8 sosh) kishin shpallur gjendjen emergjente pavarësisht nga Qeveria Federale.